notification icon

最低氣溫23°C 最高氣溫29°C 風勢微風2級。
預測Icon 大致多雲,有幾陣驟雨。早晚有薄霧。日間短暫時間有陽光。

總瀏覽量

00806

黃牛山 水牛山 茅坪古道 梅子林

2021-01-30
路線地圖
景觀: view
體力: difficult
難度: lv
路線︰ 大圍➡花心坑➡石芽背➡黃牛山➡水牛山➡打瀉油坳➡五聯達(茅坪坳)➡大水井古道➡茅坪➡西貢市➡大水井➡五聯達(茅坪坳)➡梅子林➡大圍
全長: 34公里 需時: 4½小時
攀升:1189米  下降:1189米  最高:604米  最低:0米<br>海拔高度值只供參考 會因氣壓測量而有誤差
  攀升:1189米 下降:1189米
  最高:604米 最低:0米
路況:
 
山徑40%
樓梯20%
單車徑20%
馬路10%
石板路10%
坡度:
 
攀升 1189 (50%)
下降 1189米 (50%)
曝曬:
 
60%
A A A
A A A

黃牛山(英語:West Buffalo Hill,又稱西水牛山)是香港一座海拔604米的山峰,位於新界沙田區東部,小瀝源以東,以及西貢區的西部,東面為水牛山。黃牛山在馬鞍山郊野公園範圍之內,麥理浩徑第四段途經其南面山腰。山之南坡有三組露岩,遠望如列崖,近望如石牆,行山界美稱為「黃牛石城」。此石城最壯麗之角度,僅能身在其中方知其峻,而難於四方體會。石城底層有一奇觀曰「石天門」,似乎成為近年按圖索驥的郊遊人士所群找的目的地,但亦有為數不少的行者畏懼其坡度甚大的浮沙路而卻步,態度正確。往水牛山方向的落山路,剛完成石砌樓梯工程,然後此段路坡度甚微,此工程惹人聯想,或許政府即將接管此山徑,納入為郊遊徑之一。

 

水牛山(英語:Buffalo Hill)是香港一座海拔606米的山峰,位於新界沙田區東部,小瀝源以東,以及西貢區的西部,西面為黃牛山。水牛山在馬鞍山郊野公園範圍之內,麥理浩徑第四段途經其南面山腰。

 

打瀉油坳(英語:Buffalo Pass)名有其典故,據說以往附近的客家村民多以務農為主,山野間有不少農田,不時都見到村民牽引耕田的黃牛及水牛在路上往來,黃牛山及水牛山亦因此得名。而打瀉油坳並不是村民購買生油回家時,在山坳上打瀉了而起名,只是客家話大水牛跟打瀉油聽起上來有點相似,編製地圖的官員一時誤會,於是便出現了打瀉油坳這個有趣地名。

 

茅坪坳 (五聯達) 一般認知 十字路口,實情還有一條隱蔽小徑,乃五路交匯之處。然後踏入這隱蔽路口,山徑立即變得清晰不過,完整的石砌古道引領行者緩降黃竹山廢村。此路幽靜安寧,與旁邊熱鬧的麥理浩徑天淵之別。幸好,一徑成名未必萬徑荒,多得前人的舖設,暢通無阻。途中遇上古墳,小心慎選北行的山徑,免得脫離主徑,跨過倒木後,漸見頹垣。至近澗邊,乃茅坪坑右源,古道右轉過澗,此路會重上麥理浩徑,若往茅坪,則無須轉彎,依澗左田壆繼續前行,此段地面極多碎瓦。未幾石砌古道重現,漸聽見水聲與人聲,原來已抵茅坪古道的橋位,進入茅坪範圍。此古道連接梅子林,一般行山人士皆從此路登上昂平,是故又重點熱鬧之地。

 

大水井古道 - 古道既不古又不陰(部分位置更變水泥化),中途經一座伯公廟,景致亦相當開揚,除了臨到大水井有段密不透光的竹林隧道。在大水井一直依行人路及村徑落西貢市中心。

 


茅坪古道 - 位於馬鞍山郊野公園,這條蜿蜒於山谷之中的石砌古道,簡單易行,沿途綠樹林蔭,流水淙淙,是四季皆宜的遠足路線。此古道是昔日村民往來沙田、馬鞍山和西貢的要道。路線起點途經附近的梅子林村,村民祖先吳氏由廣東省伍華縣南來發展,約在三百年前在此定居,全盛時期有三百多名村民,主要以種禾及售賣柴薪維生。

茅坪古道大石橫陳,推斷由就地取材而未經處理的石塊建成。當時修建古道的村民考慮到以擔挑背竹籮來回村落及墟市的辛勞,故修建此古道。雖然古道不斷上斜,但坡度平緩,非常舒適易行。

路上不僅有上百年歷史的石棧道,更有荒廢梯田、劉氏宗祠及數條小村,包括茅坪老屋、茅坪新屋及黃竹山,以及其他荒涼的古村屋遺跡。若走累了,可在茅坪附近的休憩處稍作休息。此處是前五聯達學校的遺址(「五聯達」是茅坪的別名),學校為昔日茅坪與附近村落村童所興建,可見古道除了連繫村落,亦為村童帶來學習機會。茅坪由於位處高地,土質貧瘠令耕種的收成不豐,村民生活艱苦,故此在二次大戰後村民陸續遷出,而茅坪亦漸變荒廢。

離開時取道北港古道緩緩而下至北港,西貢牛尾海的壯麗景色就在眼前,末段穿過竹林隧道,為穿村之旅帶來完美的句號。

 

黃牛山 水牛山 茅坪古道 梅子林 65
黃牛山 水牛山 茅坪古道 梅子林 1

天清氣朗,一個人出車搵搵附近有咩山未去過,望到地圖有黃牛、水牛、石芽、芙蓉別都未去過,雖然都幾高但今日天氣唔錯,應該係好日子,就咁決定就去啦。 先沿單車徑踩去小瀝源上廣源邨再踩上黃泥頭村,開始入村路,由黃泥頭上大輋有兩條路其實都係一樣上到去,去到路口望到往黃牛山路牌就岩啦。 一路上斜都幾好踩,直到見到樓梯級,就開始正上山入山路段啦。之前睇片都見過師兄係依條路落黎,都玩到下,今次要上又睇下佢咩料先。 一路推車同抬少少車去到243米高gee花鼠坳,都唔攰因為天氣甚佳加一路上都有樹蔭。

黃牛山 水牛山 茅坪古道 梅子林 13
黃牛山 水牛山 茅坪古道 梅子林 14

係花鼠坳度休息左一陣,再睇睇地圖,發現有兩條路都上到去黃牛山,一條係左手邊GEE路,另一條就係右手邊去石芽背再接上黃牛山,今次行左右手邊, 上到山先發覺應該係左上邊上會輕鬆D,不過都冇所謂,反正未行過同有體力,兩條都冇關係。上山路況都係泥路為主,都可以推到車上去,一直上都可以望到黃牛山同黃牛石城。 不過條路黎到依度就好開揚,所以冇晒樹蔭位會好熱,上得會辛苦左,大約30分鐘去到匯合返上黃牛山gee 路。因為新年關係,見到幾個行山姨姨請我食柑,好鬼多汁正到痺! 黎度依個位離黃牛山頂只差60米高度,而且都好緩。所以係度周圍影下相同踩下車先再上去。

黃牛山 水牛山 茅坪古道 梅子林 26
黃牛山 水牛山 茅坪古道 梅子林 27

周圍影相打卡後,就繼續上黃牛山山頂,中途經過去黃牛石城gee路,但唔去囉因為超級爆多人。推多一小段梯級就去到黃牛山頂,山頂有支set高左gee標高柱,有山友幫我影左幾張相。 同時佢地都借我車影下相,山頂景觀一流,差唔多所有地方都盡收眼底,我就望下黎近去gee水牛山。探左一少段落山路,發覺都可以踩到下,落到底右手邊見到個好靚gee石平台。 有個女仔set晒cam 係度自拍,我就請纓幫佢手影,幫完佢當然我叫返佢幫我影返....哈哈!!!果個view 真係幾正!! 影完靚相又繼續去水牛山出發,踩到咁上下就要推一段路先可以上水牛山。不過都唔算難因為好開揚下。

黃牛山 水牛山 茅坪古道 梅子林 39
黃牛山 水牛山 茅坪古道 梅子林 40

上到水牛山啦,水牛山頂係冇標高柱,得舊大少少gee石頭,同佢影張相加山友幫我影多相就走人。過左水牛山有兩條路落山,分別係左手邊去石芽山同右手邊去過打瀉油坳。 我就決定揀落返打瀉油坳,因為今日都冇乜點踩過車,所以要玩返段爽下。不過依段落山路都唔易行,踩車就冇乜可能,要一點一點咁慢慢落,但原來我拎埋單車都快過好多少行開山gee朋友。 落到去打瀉油坳,其實可以上去芙蓉別,但密密地林加上今日抬夠車,所以走人算。沿住麥徑4徑踩去茅坪坳即係五聯達gee地方,落依段路以石梯級為主。 今日咁岩係家姐們同外甥們行馬鞍山昂坪日子,睇下會唔會撞到佢地。最後去到五聯達問原來佢地都差唔多到,我就慢慢落北港古道,轉入大水井古道落山,等左十幾分鐘就見到佢地啦!! 一齊傾下講下咁落山,佢地都應該係第一次見我係山踩車,都幾新奇咁。

黃牛山 水牛山 茅坪古道 梅子林 52
黃牛山 水牛山 茅坪古道 梅子林 53

最後落返西貢市中心同佢地話別,我就去左食個晏先。見仲有時間加上今日好似都係抬車多,所以決定上返去五聯達,再玩返轉梅子林返屋企~~ 由西貢市中心逆踩大水井古道都係第一次,原來都好多可以踩得到,不過當然都幾用力下。上到五聯達休息左陣先可以再落梅子林,今日落梅子林路況好靚,好乾爽~ 依段梅子林路都踩過好多次下,今次落都幾順下,係橋位停左次休息下就可以再直落到底。順利出返梅子林,落返馬路回去也。 今日都幾長程下,能夠完成全靠好天氣~~石芽山同芙蓉別有機會再上!!

相關影片(Related Video)

cover-youtube
速遊 昂平 梅子林
cover-youtube
【MTBFever - 山車瘋人院】 MTB路線 「昂平草原 茅坪古道 梅子林」 香港高山草原+過百年石磗古道│Ngong Ping Plateau + Mau Ping Ancient Trail
cover-youtube
GoPro HK MTB Channel : 昂平 Downhill 乾地梅子林


【 黃牛山 水牛山 茅坪古道 梅子林 】
路線地圖



【 黃牛山 水牛山 茅坪古道 梅子林 】
路線GPX下載


Back to Top

searchbtn
首頁 路線搜尋器 路線地圖 全港山峰 登入 免責聲明
PlayStore MSStore