25°C
30°C
南至西南風4至5級。
大致多雲，有幾陣驟雨。下午雨勢有時較大及有狂風雷暴。
| 景觀： |  |
||
| 體力： |  |
||
| 難度： |  |
||
| 路線︰ | 梅窩➡拾塱水塘➡龍尾➡芝麻灣山火瞭望台➡老人山➡廟仔墩➡小芝麻➡拾塱➡意大利徑下段➡梅窩 | ||
| 全長： | 26公里 | 需時： | 3¾小時 |
|
||
| 攀升：925米 | 下降：925米 | |
| 最高：303米 | 最低：0米 | |
老人山（英語：Lo Yan Shan）位於香港大嶼山中南部芝麻灣半島上。 有兩個高度相若山峰，主峰高度為海拔303米，副峰位於主峰西北偏西，海拔302米。漁農自然護理署於主峰設有山火瞭望台，於秋冬季監察附近有否山火發生。芝麻灣郊遊徑會途經主峰和副峰。
老人山的名字由來，據說是因為由貝澳方向望向山嶺就像一位老人向天仰望的樣子而得來。老人山設有山火瞭望台，於秋冬季被用作為監察附近一帶的山火。
此山的西南面是望東灣，有賽馬會望東灣青年旅舍；南面則是二浪灣和澄碧邨。
主峰設有山火瞭望台，於秋冬季監察附近有否山火發生。
由於位置偏僻，即使假日也很少人前往這裡，是一個寧靜的好選擇。
廟仔墩 （英語：Miu Tsai Tun）位於香港大嶼山中南部芝麻灣半島上。副峰的廟仔墩則高海拔302米。
小芝麻 - 芝麻灣越野單車徑循環網絡至十塱涌口，以及連接現有芝麻灣越野單車徑兩端，使之形成一個越野單車徑循環網絡
意大利徑- 由Bike Part單車公園下降的一條落山小路。
話說芝麻灣為左配合梅窩Bike Park，將芝麻灣越野單車徑改成循環網絡。 十塱涌口會連接起現有芝麻灣兩端，改左都一排啦。 之前聽YH 講話都幾好玩，加上見到好多師兄都拍落芝麻石，就決定去芝麻灣啦。 今次會再有少少特別就係會上埋一直都想去的 老人山同廟仔墩。
約左華哥係中環碼頭等，搭船係梅窩出發。 食個M記早餐就起行，今日真係好熱，狀態亦好一般。 先由Bike Park 路上去，一直踩去拾塱，經拾塱水塘入去。 去到芝麻灣龍尾都爆汗爆到乜咁，見到龍尾條尾變左色，唔知係咩人油。 休息左一陣就開始上老人山，好辛苦呀..抬同推左一陣就要抖下。 其實上老人山條路都已經好多樹陰，加上中段係竹林，不過都好攰。
經過好多次休息下終於上到去老人山頂，沿路中一個人都見唔到。但去到山頂就有成7,8個人係度。 山頂係一個山火瞭望台黎，其實都冇乜景色，因為比樹包圍住。 kill 完標打完咭就落山啦，落山路段都係山路加梯級為主，難度都唔低。 唔得就推車，安全最上。落左一段時間，係去廟仔墩中間係一段平路幾好玩。 之後就上廟仔墩啦，廟仔墩係老人山的副峰黎，302米。 境色比起老人山開揚得多了，山上有間好小GEE廟仔，唔知係咪因為咁而得名!!
係廟仔墩 又係有幾多山友，其中友善的山友又向我地借車拍照，我地當然歡迎。 係廟仔墩落山路段，差不多全部都係大岩石路段。我們也得小心翼翼，路段好靚好咬地，所以可以踩到好多。 一直落到中後段，山路變成泥路段而且比較緩，開心路段黎。 落到低係接返芝麻灣近貝澳路，我地就行新路去小芝麻，即係連接路段。 這段路順時鐘走係較多上山的，所以如果逆走會好玩D。 去到芝麻石，真實比睇片斜。推車一次試下位先，最後成功安全落到。
Relive Video
